Бүгүн, 2026-жылдын 25-мартында, Кыргызстан кесиптик бирликтер федерациясынын Аялдар жана гендердик саясат маселелери боюнча кеңешинин 2026-жылга карата иш-чаралар планынын алкагында семинар-тренинг өткөрүлдү.
Иш-чарага ККБФ төрагасы Мурадил Джумадилде уулу, ККБФ төрагасынын орун басары Ализа Солтонбекова катышты.
Мурадил Джумадилде уулу сөзүндө бүгүнкү күндө социалдык коргоо, тең мүмкүнчүлүктөрдү камсыз кылуу жана эмгек укуктарын сактоо маселелери өзгөчө мааниге ээ болуп жатканын белгиледи. Ошондой эле ал теңдик, адилеттүүлүк жана социалдык жоопкерчилик принциптерин илгерилетүүгө чоң салым кошуп жаткан Аялдар жана гендердик саясат маселелери боюнча кеңештин ролун өзгөчө белгиледи. Мындай иш-чаралар күч-аракеттерди бириктирүүгө, тажрыйба алмашууга жана актуалдуу көйгөйлөрдүн натыйжалуу чечимдерин табууга жардам берет.
«Бүгүнкү семинар ачык диалог жүргүзүүгө, кызматташууну бекемдөөгө жана мындан аркы ишибизде колдонууга мүмкүн болгон практикалык сунуштарды иштеп чыгууга пайдалуу аянтча болот деп ишенем. Бардык катышуучуларга активдүү позициясы жана кызыгуусу үчүн ыраазычылык билдирем», – деп жыйынтыктады ал.
Семинардын максаты – катышуучулардын эмгек укуктарын коргоо маселелери боюнча компетенцияларын жогорулатуу, кызматкерлерге укуктук колдоо көрсөтүүнүн заманбап механизмдерин колдонуу боюнча практикалык көндүмдөрдү өнүктүрүү, ошондой эле эмгекти коргоо жана кесиптик оорулардын алдын алуу боюнча актуалдуу маселелерди талкуулоо болду.
Лектор катары ККБФтин эмгек институтунун өкүлдөрү, ошондой эле КР Саламаттык сактоо министрлигинин Оорулардын алдын алуу жана мамлекеттик санитардык-эпидемиологиялык көзөмөл департаментинин өкүлдөрү чыгышты. Эксперттер учурдагы эмгек мыйзамдары, кызматкерлердин укуктарын коргоо механизмдери жана коопсуз эмгек шарттарын камсыз кылуунун заманбап ыкмалары тууралуу актуалдуу маалыматтарды беришти.
Катышуучулар талкууларга активдүү катышып, практикалык тажрыйба алмашып, кызыктырган суроолоруна жооп алышты. Иш-чаранын жыйынтыгында бардык катышуучуларга сертификаттар тапшырылды.
