Төрага
Нургазиев Союзбек Сапарбекович
Кыргызстандын транспорт жана жол чарбасы кызматкерлеринин кесиптик бирлиги
Автомобилдик транспорт кызматкерлеринин кесиптик бирлиги 1929-жылы түзүлүп, «Чыгыш» айдоочулар союзу деп аталган.
1953-жылдын 16-майында Автотранспорт кызматкерлери менен жумушчуларынын кесиптик бирлигинин Республикалык комитети Шоссе жана гидротехникалык курулуш кызматкерлери менен жумушчуларынын кесиптик бирлиги менен биригип, Автотранспорт жана шоссе жолдору кызматкерлеринин кесиптик бирлигинин Республикалык комитети деп аталып калган.
Профсоюздардын бүткүл союздук борбордук кеңешинин (ВЦСПС) 1957-жылдын 19-августундагы токтомунун негизинде (№16 протокол, 6-пункт) автотранспорт жана шоссе жолдору кызматкерлеринин кесиптик бирлиги байланыш кызматкерлеринин бирлиги менен кошулган.
1968-жылдын 16-январында байланыш кызматкерлеринин кесиптик бирлигинин XI cъездинде эки кесиптик бирликке: байланыш кызматкерлеринин кесиптик бирлигине жана жумушчулардын кесиптик бирлигине бөлүнүү жөнүндө чечим кабыл алынган.
Автотранспорт жана шоссе жолдору кызматкерлеринин кесиптик бирлигинин республикалык комитетинин 1990-жылдын 6-сентябрындагы I съездинде Автотранспорт жана жол чарбасы кызматкерлеринин кесиптик бирлигинин республикалык комитети болуп өзгөргөн.
Тармактык кесиптик бирликтин түзүмүнө Ош, Ысык-Көл, Талас облустарынын кесиптик бирликтеринин облустук комитеттери, №1, 3, 6 өндүрүштүк-линиялык башкармалыктардын, Түндүк өндүрүштүк бирикмесинин бириккен комитеттери, «Севдортранстрой», «Чуйдорстранстрой» кирет. Кесиптик бирликтин 60 миңден ашуун мүчөсү бар.
Тармактык кесиптик бирликтин 1995-жылдын 8-сентябрында өткөн экинчи съездинде транспорт жана жол чарбасы кызматкерлеринин кесиптик бирлигинин республикалык комитети Кыргызстандын транспорт жана жол чарбасы кызматкерлеринин кесиптик бирлигинин борбордук комитети болуп өзгөргөн.
КМШ өлкөлөрүнүн транспорт жана жол чарбасы кызматкерлеринин кесиптик бирликтеринин эл аралык бирикмесинин мүчөсү.
1986-жылдан тартып 2017-жылга чейин, 30 жылдан ашуун убакыт бою кесиптик бирликтин борбордук комитетинин төрагалык кызматына Исаков Абдыкасы Исакович бир нече ирет шайланган.
Көп жылдык үзүрлүү эмгеги менен Исаков Абдыкасы Исакович өлкөнүн көптөгөн сыйлыктарына татыган, КР эмгек сиңирген транспорт кызматкери наамын алган, Кыргыз ССРнин Жогорку кеңешинин грамотасы жана Ардак грамотасы, «Каарман эмгеги үчүн» эки медаль, «Манас эпосуна 1000 жыл» эстелик медалы, «Даңк» медалы, Кыргыз Республикасынын Өкмөтүнүн Ардак грамотасы, Кыргызстан кесиптик бирликтер федерациясынын «Кыргызстан кесиптик бирликтерине сиңирген эмгеги үчүн» төш белгиси жана «Кесиптик бирликтер кыймылына сиңирген эмгеги үчүн» Кесиптик бирликтердин жалпы конфедерациясынын Ардактуу күмүш белгиси менен сыйланган.
Азыркы учурда тармактык кесиптик бирликтин түзүмүнө транспорт жана жол чарбасы кызматкерлеринин кесиптик бирлигинин Ош облустук комитети кирет. Нарын, Талас, Ысык-Көл, Жалал-Абад облустарында кесиптик бирлик комитеттеринин Төрагалар кеңештери бар.
Байланыш маалыматы: 0312 66-56-94, 0509808068,
profsouztransport@ mail.ru.
Бишкек ш., Чүй пр., 207, 42-каб.