2026-жылдын 14-апрелинде Талас шаарында Кыргызстандын кесиптик бирликтер федерациясынын төрагасы Мурадил Джумадилде уулу жарандарды кезектеги жеке кабыл алуусун өткөрдү.
Жолугушуунун жүрүшүндө төрага аймактагы эмгекчилерди түйшөлткөн негизги маселелерди угуп, алардын суроолоруна жооп берди. Жарандар негизинен эмгек шарттары, айлык акы, социалдык кепилдиктер жана жумуш орундарын сактоо маселелери боюнча кайрылышты.
Мурадил Джумадилде уулу ар бир кайрылууга өзгөчө көңүл буруп, тиешелүү мамлекеттик органдар жана иш берүүчүлөр менен биргеликте маселелерди чечүү боюнча конкреттүү чаралар көрүлөрүн белгиледи. Ошондой эле ал кесиптик бирликтердин негизги максаты — эмгекчилердин укуктарын коргоо жана алардын социалдык абалын жакшыртуу экенин баса белгиледи.
Бул сыяктуу жеке кабыл алуулар аймактардагы көйгөйлөрдү жеринде чечүүгө жана эмгекчилер менен түз байланыш түзүүгө чоң мүмкүнчүлүк түзөрү белгиленди.
